Piatek: Kam lindur gati, do të bëj gjithçka për ta kthyer Milanin në Ligën e Kampionëve

Krzysztof Piatek ka pohuar se ai ka lindur gati dhe do të bëj gjithçka për të kthyer Milanin në Ligën e Kampionëve, garën më të madhe ekipore në Evropë.

Piatek u zbulua zyrtarisht nga Milani të enjten pasdite, pasi kishte përfunduar transferimin prej 35 milionë eurosh nga Genoa dhe sulmuesi është i vendosur të kor suksese në San Siro.

“Për mua është një tjetër hap përpara në karrierën time”, ka thënë fillimisht Piatek në prezantimin e tij.

Lexo po ashtu Zyrtare: Piatek lojtar i Milanit

“Shpresoj se mund të luaj mirë me Cutronen. Duam të shënojmë shumë gola së bashku dhe shpresoj se gjërat do të shkojnë mirë për ne. Mund të luaj me një sulmues tjetër pranë meje”.

“Nuk mendova se do të vij këtu. Është një ëndërr e bërë realitet. Pranë meje është Maldini, të cilin unë e kam admiruar gjithmonë. Për mua është një nder i madh të jem këtu”.

“Unë kam lindur gati. Jam gati tani dhe do të bëj gjithçka për të kthyer Milanin në Ligën e Kampionëve. Do të luftoj për Milanin”.

🎙️ Krzysztof Piatek: "I thought it was a dream come true and to see a living legend (Paolo Maldini) sitting so close to me. It is a big honour and we will see how it goes."#WelcomePiatek

— AC Milan (@acmilan) January 24, 2019

“Isha një tifoz i Milanit duke u rritur dhe ishte ëndrra ime për të luajtur këtu. Vetëm të ulem pranë legjendave si Maldini dhe Leonardo është një nder i madh”.

“Shpresoj se mund të tregoj talentin tim në çdo lojë. Nuk mund të them asgjë këtu, por gjithçka do të vendoset në këtë fushë”.

🎙️ Krzysztof Piatek: "I was born ready. I will do everything to return #ACMilan to the Champions League."#WelcomePiatek

— AC Milan (@acmilan) January 24, 2019

“Është kënaqësi për mua të jem këtu në Milano. Jam sulmues, dua të shënoj në çdo ndeshje, të punoj shumë dhe pastaj do të shohim se çfarë ndodh në fushë”.

“Gjithmonë kam besuar tek vetja. Doja të tregoja diçka të mirë në Serie A, kur u bëra pjesë në Genoa”.

🎙️ Krzysztof Piatek: "I would like to score goals in every match obviously but we will see on the pitch"#WelcomePiatek

— AC Milan (@acmilan) January 24, 2019

“Është e rëndësishme për mua që të shënoj sepse jam sulmues. Jam i njëjti person si para se të bashkohem me Genoan”.

“Do të doja të luaja në Ligën e Kampionëve. Kjo më jep gëzim të madh për të luajtur për Milanin dhe do të bëj çmos për të shënuar për këto ngjyra”, përfundoi ylli polak. /Telegrafi/