Petrovska: Ndamë mbi 30 për qind nga buxhetit i Ministrisë për modernizimin e ushtrisë

Maqedonia e Veriut dhe aleatët e NATO-s janë të bashkuar dhe të qartë në qëllimin e tyre, sigurinë e territorit të NATO-s dhe dënimin e agresionit rus kundër Ukrainës.

Ministrja e Mbrojtjes Sllavjanka Petrovska sot në selinë e NATO-s në Bruksel ka takuar zëvendëssekretarin e përgjithshëm të Aleancës Mirçea Joana.

Në takim, Petrovska dhe Joana konstatuan se shtetet anëtare janë të bashkuara dhe të përkushtuara për sigurinë e aleancës si asnjëherë më parë dhe se kjo shihet qartë përmes hapave të NATO-s në përforcimin e proceseve transformuese.

Në kuadër të transformimit të mbrojtjes së Maqedonisë, ministrja Petrovska theksoi se Maqedonia e Veriut që në fillim ishte e orientuar qartë dhe pa mëdyshje drejt përmbushjes së qëllimeve të caktuara për kapacitete përmes ndarjes së duhur të mjeteve financiare.

Ajo theksoi se këtë vit Ministria e Mbrojtjes ka ndarë më shumë se 30 për qind për modernizim, gjë që shpreh edhe vullnetin politik për të përmbushur obligimet tona.

Zëvendëssekretari i përgjithshme i NATO-s, Joana, tha se qëndrimi i Maqedonisë së Veriut është i njëjtë me atë të të gjithë aleatëve dhe shprehu mirënjohje për rolin e vendit në forcimin e sigurisë kolektive të NATO-s./Telegrafi/