Pesë shenja që tregojnë se ju mungon magnezi

Magnezi është një nga mineralet kryesore të përfshirë në qindra funksione në trupin tonë

Në rast të mungesës së këtij minerali do të shfaqen disa efekte anësore.

Këtu janë pesë shenja që tregojnë se mund të keni mungesë të magnezit.

Marramendje ose të vjella

Nëse trupit i mungon magnezi, mund të shfaqen marramendje apo edhe të vjella, dhe kjo për shkak se ky mineral është i përfshirë edhe në ekzekutimin e disa funksioneve të trurit.

“Nervat tona gastrointestinale mund të mos funksionojnë siç duhet dhe kjo mund të çojë në marramendje”, shpjegon dietologia Dana Ellis Hunnes.

Ajo shton se të vjellat janë shpesh një efekt anësor i të përzierave dhe të vjellat na bëjnë të humbasim edhe më shumë magnez.

Lexo po ashtu Në cilën orë të ditës duhet të merrni magnez? Nga çfarë varet dhe si ta konsumoni siç duhet

Humbja e oreksit

Mungesa e magnezit gjithashtu mund të ndikojë në oreksin tuaj. Kjo mund të jetë një rezultat i drejtpërdrejtë i të përzierave.

Megjithatë, mungesa e magnezit gjithashtu mund të ndikojë në nerva në mënyrë të tillë që nervat që lidhen me ndjenjën e urisë të punojnë më pak me efikasitet.

Mungesa e energjisë

Magnezi luan një rol të rëndësishëm në metabolizmin e qelizave – procesi me të cilin lëndët ushqyese shndërrohen në energji.

“Nëse jemi të ulët në magnez, ne bëhemi më pak efektivë dhe efikas në këtë konvertim,” shpjegon Hunnes, duke shtuar se çdo gjë deri në fund mund të çojë në ndjenja dobësie, plogështie dhe lodhjeje.

Lexo po ashtu Dieta me magnez: Për ata që duan të jetojnë gjatë

Mpirje

Mpirja ose ndjesi shpimi gjilpërash në gjymtyrë është një nga shenjat më serioze të mungesës së magnezit. Vështirësia me ndjesinë e duarve ose këmbëve ose ndjesi shpimi gjilpërash mund të jetë rezultat i niveleve të ulëta të magnezit.

Ngërçet

Ngërçet mund të ndodhin për shkak të një çekuilibri të mineraleve të elektrolitit si magnezi, si dhe natriumi, kaliumi ose kalciumi, shkruan Live strong.

“Ngërçet mund të ndodhin gjithashtu kur nivelet e ulëta të magnezit bëjnë që nervat në trup të dështojnë, duke bërë që muskujt të tkurren dhe të shkaktojnë ngërçe”, thotë Hunnes. /KP