Pesë lojtarë rezultojnë pozitiv me coronavirus në Spanjë

Pesë lojtarë në Spanjë kanë testuar pozitiv pas rezultateve fillestare të testeve të coronavirusit të ndërmarrë këtë javë.

Sipas mediumeve RAC1 dhe El Mundo Deportivo, tre prej lojtarëve janë në La Liga ndërsa dy të tjerë janë në Segunda – niveli i dytë i futbollit të Spanjës.

Duhet të theksohet se ky numër ka të ngjarë të rritet më tej gjatë ditës tjetër ose vetëm pasi një pjesë e vogël e klubeve kanë marrë rezultatet e testeve, të cilat janë realizuar në fillim të kësaj jave.

Lexo po ashtu Edhe Real Madridi teston lojtarët kundër coronavirusit

Liga parashikoi që midis 25 dhe 30 raste pozitive të gjendeshin në dy divizionet kryesore – një shifër e parashikuar nga Bundesliga që gjen 10 teste pozitive pas rezultateve javën e kaluar.

Ka afërsisht 2,000 testime që po zhvillohen për të mbuluar të gjithë lojtarët, trajnerët dhe çdo staf stërvitor të të 20 klubeve të La Liga, me shumë rezultate të tjera që pritet të konfirmohen gjatë ditës së sotme (e premte).

Lexo po ashtu Stafi dhe lojtarët e Barcelonës rezultojnë të gjithë negativ me coronavirus

Një  deklaratë e ligës nga La Liga ka uruar homologët e tyre gjermanë për planet e tyre për t’u rikthyer në futboll këtë muaj, me autoritetet spanjolle të futbollit që shpresojnë për një rikthim të ndeshjeve të tyre deri në qershor.

Ndryshe, Barcelona dhe Real Madridi kanë testuar të gjithë futbollistët, ndërsa asnjëri klub nuk ka konfirmuar ndonjë rast. /Telegrafi/