Pesë banorë do të shkojnë sivjet në finalen e Big Brother VIP Albania

Në mbrëmjen gjysmëfinale, prezantuesi i “Big Brother VIP Albania”, Ledion Liço, ka bërë zbulimin e madh të finalistëve për edicionin e tretë të spektaklit.

Ledioni informoi publikun dhe banorët se këtë vit do të jenë jo katër, por pesë finalistë që do të garojnë për titullin e fituesit të BBVA.

Ndërsa adhuruesit e spektaklit prisnin me padurim, Ledioni njoftoi se tre prej të nominuarve të javës – Heidi, Meritoni, Egla dhe Françeska – do të kenë mundësinë të bashkohen me dy finalistët që tashmë kanë siguruar një vend në finale, Juli dhe Romeo.

Ky zbulim rriti ndjeshëm tensionin dhe emocionet brenda shtëpisë, pasi banorët e nominuar janë vetëm një hap larg finales së madhe.

Finalja e shumëpritur pritet të sjellë një mbrëmje të mbushur me gjallëri, surpriza dhe emocione të forta, ku pesë finalistët do të përballen për të fituar zemrat e publikut dhe titullin e fituesit të “Big Brother VIP Albania 3”.

Fansat tashmë po bëjnë parashikimet e tyre, ndërsa banorët përgatiten për sfidën e tyre të fundit. /Telegrafi/