Përtacia, sharja, përdorimi i drogës dhe disa vese tjera të njerëzve shumë inteligjentë

Të gjithë e dimë se jo gjithmonë ata që kanë nota të mira në shkollë janë më të mençurit, dhe mençuria vjen në forma të ndryshme – p.sh. me siguri e njihni dikë që ka nivele të larta akademike, por që i mungon inteligjenca emocionale.

Dhe, përderisa një person mund të jetë si ‘kalkulator njerëzor’, a e bën kjo gjë atë më të mençur sesa një poliglot? Shkencëtarët qe një kohë të gjatë janë përpjekur të zbulojnë një herë e përgjithmonë se cilat janë shenjat e inteligjencës së lartë dhe më poshtë iu sjellim disa nga këto shenja.

Përtacia

Një studim i fundit ka zbuluar se njerëzit të cilët janë tejet inteligjentë mërziten më lehtë dhe rrjedhimisht janë më të prirë të jenë më pak aktivë sepse janë më të lumtur duke shpenzuar më shumë kohë duke menduar, transmeton Telegrafi.

Mësoni nga gabimet tuaja

Njerëzit të cilët janë më të mençur se tjerët, zakonisht i pranojnë më lehtë dështimet e tyre dhe mësojnë nga to.

Shani shumë

Në vend se të jetë shenjë e fjalorit të kufizuar, sharja mund të jetë shenjë e inteligjencës së lartë – të paktën kështu thotë një studim i vitit 2015.

Qëndroni zgjuar deri natën vonë

Sipas një studimi të publikuar në “Psychology Today”, fëmijët inteligjentë kanë tendenca të qëndrojnë zgjuar deri në orët e hershme të mëngjesit.

Lexoni shumë

Jo vetëm që është mënyrë e thjeshtë për t’i zgjeruar njohuritë e përgjithshme, por hulumtimet e fundit kanë treguar se leximi e rritë edhe funksionin e memories, aftësitë komunikuese dhe përqendrimin.

Iu pëlqen humori i zi

Personat të cilët pëlqejnë të qeshin me shaka vulgare (rreth vdekjeve, sëmundjeve, pasojave të luftës, etj.), mund të jenë më inteligjentë sesa personat tjerë.

Personat inteligjentë konsumojnë alkool dhe përdorin drogë

Në vitin 2012, hulumtuesit britanikë kishin gjetur një ndërlidhje mes nivelit të lartë të inteligjencës dhe përdorimit të drogave ilegale, pavarësisht dëmeve që mund t’i shkaktojnë.  /Telegrafi/