‘Përsëritet Beogradi’ – droni ndërprenë ndeshjen e Ligës së Evropës shkaku i një mesazhi politik

Ndeshja e vlefshme në Ligën e Evropës mes Dudelanges dhe Qarabag është ndërpre shkaku i një droni që është futur në stadium me simbolet e Armenisë.

Një ngjarje e ngjashme me atë që kishte ndodhur vite më parë në Beograd, në përballjen mes Serbisë dhe Shqipërisë ka ndodhur edhe në Ligën e Evropës.

Kjo ndodhi në ndeshjen mes Dudelanges dhe Qarabag që po zhvillohet në stadiumin Josy Barthel në Luksemburg, kur rezultati ishte 2-0 në të mirë të klubit nga Azerbajxhanit.

Droni përmbante simbole të Armenisë dhe kjo ishte një befasi e hidhur për lojtarët mysafirë.  Këta të fundit njihen për konfliktet e tyre me Armeninë ndër vite.

Konflikti është aq i ndjeshëm sa që Henrikh Mkhitaryan, nuk ishte lejuar të merrte pjesë në finalen e Ligës së Evropës në Baku, shkaku që ishte armen.

Lojtarët nga Azerbajxhani kanë braktisur menjëherë fushën e lojës, për tu kthyer pastaj në fushë.

Pasi u kthyen në fushë ata e shënun dhe një gol me Richard për 3-0. Pjesa e dytë në këtë përballje ka filluar me vonesë. /Telegrafi/

https://twitter.com/AlhajiSpartan/status/1179845023422124032?ref_src=twsrc%5Etfw%7Ctwcamp%5Etweetembed%7Ctwterm%5E1179845023422124032&ref_url=http%3A%2F%2Fsportekspres.com%2Fe-bujshme-imitohet-beogradi-droni-nderpret-ndeshjen-ne-europa-league-dhe-lojtaret-lene-fushen%2F