Përplasje mes Lewandowskit dhe Xavit – polaku i dërgon mesazh trajnerit të Barcelonës përmes mediave

Pas tri xhirove të zhvilluara në La Liga me Barcelonën, Robert Lewandoski ka vetëm një gol dhe një asistim.

Sulmuesi polak ka zbuluar se përse është kjo formë e tij e dobët dhe këtë ia atribuon në njëfarë mënyre Xavit.

“Ne jemi Barcelona dhe duhet jo vetëm të fitojmë, por edhe të luajmë futboll sulmues. Kjo nuk ka ndodhur kohët e fundit, kështu që ne kemi punuar për të krijuar më shumë shanse në ndeshje”, ka thënë Lewandowski në konferencë për media.

Lexo po ashtu Del në pah problemi më i madh i Barcelonës deri më tani në këtë sezon

“Ndonjëherë nuk luajmë me lojtarë të mjaftueshëm sulmues, nuk marr asnjë mbështetje, ndaj kërkoj zgjidhjen më të mirë për ekipin”.

“Kur shohim Ferran ose Ansu në fushë, dy lojtarë që mendojnë dhe sulmojnë, ne shohim më shumë shanse”, shtoi polaku.

A është ky një thumb në formacionin me katër mesfushorë të Xavit që do të thotë të luash vetëm me dy sulmues?

Lexo po ashtu Vendet e Real Madridit dhe Barcelonës në Ligën e Kampionëve tani janë në rrezik për shkak të skandalit të Luis Rubiales

Kundër Cadizit, Barça arriti të thyejë bllokimin vetëm kur Xavi futi më shumë sulmues në fushë. Kundër Villarrealit, skuadra e tij arriti të marrë tri pikët pasi Ferran Torres hyri në lojë.

Në të njëjtën kohë, Blaugranasit mund të kishin shënuar edhe më shumë gola kundër Villarrealit, por si Robert Lewandowski ashtu edhe Ansu Fati ishin shpërdorues para portës. /Telegrafi/