Barcelona ka bërë një përmbysje sensacionale kundër Real Sociedadit duke e mposhtur me rezultat 4-2 para tifozëve në Anoeta.
Një fillim mbresëlënës i skuadrës vendase, e cila krijoi epërsi të dyfishtë në fraksionin e parë të lojës. Rezultatin e zhbllokoi Willian Jose (11'), ndërsa Juanmi (34') e dyfishoi epërsinë.
Skuadra mysafire arriti ta shënojë një gol para se skuadrat të shkonin në pushim (39'). Paulinho ishte realizues.
(Foto: Getty Images)
Në fraksionin e dytë të lojës, katalunasit përmbysën gjithçka. Fillimisht, Luis Suarez me një gol shumë të bukur e barazoi rezultatin (71').
Sulmuesi uruguaian e shënoi edhe golin e dytë personal (71') duke regjistruar epërsinë e parë të Blaugranëve në këtë takim.
(Foto: Getty Images)
Dhe qershia mbi tortë ishte goli i Lionel Messit i realizuar nga gjuajtja e lirë (85').
Ky ishte një triumf i rëndësishëm për katalunasit në Anoeta, duke qenë se për herë të fundit në këtë fushë, ata kishin fituar në vitin 2007.
(Foto: Getty Images)
Barcelona vazhdon kryesimin në tabelë me 51 pikë, nëntë më shumë se përcjellësi i parë, Atletico Madrid.
Real Sociedadi qëndron në vend të 15-të në tabelë me 23 pikë të arkëtuara pas 19 xhirosh.
(Foto: Getty Images)
Kundërshtari i ardhshëm i Barcës është Real Betisi, ndërsa sërish luan si mysafir. /Telegrafi/
https://www.dailymotion.com/video/x6d4bsb
https://www.dailymotion.com/video/x6d4byq
https://www.dailymotion.com/video/x6d4chq
https://www.dailymotion.com/video/x6d4d86
https://www.dailymotion.com/video/x6d4e9r
https://www.dailymotion.com/video/x6d4enc
