Përfundon bastisja e hetuesve të Speciales në banesën e Kadri Veselit

Hetuesit e Speciales kanë përfunduar bastisjen në banesën e ish-kryetarit të Partisë Demokratike të Kosovës, Kadri Veseli.

Ata kanë marrë nga aty pako të cilat duket se përmbajnë dokumente të ndryshme.

Hetuesit e Speciales kanë nisur sot bastisjen edhe në shtëpi të ish presidentit të vendit, Hashim Thaçi.

Telegrafi ka tentuar të kontaktojë zyrtarë të PDK-së, por nuk kanë qenë të qasshëm.

Foto: Ridvan Slivova

Thaçi dhe Veselit, tashmë ndodhen në Hagë, pasi iu është konfirmuar aktakuza nga Zyrat e Prokurorit të Specializuar.

Partia Demokratike e Kosovës ka paralajmëruar se do të mbajë një konferencë për medie në ora 15:00. /Telegrafi/