Nën qiell të hapur dhe me muzikë akustike, është prezantuar edicioni tërësisht i ri i Porsche - Taycan Cross Turismo.
I inspiruar nga vizioni që ishte mishëruar me prezantimin e konceptit të parë në vitin 2019, Porsche dërgoi sinjal të rëndësishëm për të ardhmen elektrike të lëvizjes.
Shasia me teknologji të lartë, me ngasje në të gjitha rrotat dhe pezullimi adaptues, janë absolutisht të pakompromis. Paketa opsionale Off-Road e rrit distancën nga toka deri 30 mm. Kjo do të thotë se Cross Turismo mund të vozitet edhe në terrene më të vështira. "Gravel Mode" standard e përmirëson përshtatshmërinë në modelin e ri për vozitje në rrugë të pabarabarta.
Katër derivatet e Taycan Cross Turismo janë të qasshme menjëherë pas lansimit. Fuqia arrin deri në 380 kuaj në versionin bazë Taycan 4 Cross Turismo, 490 kuaj në Taycan 4S Cross Turismo, 625 kuaj në Taycan Turbo Cross Turismo dhe 761 kuaj fuqi në Taycan Turbo S Cross Turismo, që arrin shpejtësinë 100 km/h për vetëm 2.9 sekonda. Të pajisur me Performance Battery Plus, kapaciteti i përgjithshëm i baterisë arrijn në 93.5 kWh dhe çdo herë vjen standard në të gjitha versionet. Diapazoni i baterive arrin nga 416 deri 456 kilometra, varësisht nga versioni i Taycan Cross Turismo.
Si pjesë e këtij viti dhe të tretit me radhë "Skopje Unplugged 2021", Porsche Taycan Cross Turismo i ri u paraqit me krenari në skenë i shoqëruar nga muzikë akustike në një festival me disa interpretues, të tillë si Van Gogh, Igor Xhambazov të shoqëruar nga Guru Hare Band, "Këmbët e ftohta" dhe të tjerë.
