Të premten, këngëtarja e re e skenës Donna Dafi publikoi këngën e saj më të re.
"Çka po don" titullohet kjo këngë, e cila është ritmike e zhanireve hip-hop dhe R&B.
Kënga e cila është punuar nga producenti Florent Boshnjaku dhe teksti i shkruar nga vet Donna me Adulis Ghebreyesus, është pritur mirë nga publiku.
Vetëm në një ditë pas publikimit, "Çka po don" ka ngjallur interesim të madh nga dëgjuesit në YouTube dhe platformat tjera të muzikës si: Spotify, Shazam dhe Apple Music.
Vet Donna e ka shpërndarë me ndjekësit e saj në Instagram këngën e saj të re, e cila gjithashtu ka marrë mbështetje të madhe nga rrethi i saj shoqëror, por edhe një mori fytyrash publike.
Donna është një këngëtare e re me origjinë nga Peja e Kosovës, e cila jeton dhe vepron në Gjermani, ku synon të jetë një prej emrave eminentë të tregut në muzikë. /Telegrafi/
