Pazar në sheshet e Prishtinës, flasin qytetarët (Video)

Qytetarëve që frekuentojnë sheshet e Prishtinës, thonë se nuk u pengojnë shitësit ambulant, të cilët funksionojnë pa leje. Ndërsa, Komuna e Prishtinës vetëm se po merr masa ndaj tyre.

Nëpër sheshet e Prishtinës, edhe pse ilegalisht, po vazhdojnë të funksionojnë shitësit ambulant.

Përkundër që nga inspektorati i është kërkuar që të mos veprojnë nëpër sheshe, kjo nuk po i pengon qytetarët që frekuentojnë këto hapësira.

“Mua nuk më pengojnë. Ndoshta ndokënd mund ta pengojnë por për mua personalisht nuk janë pengesë”, shprehet qytetari Dardan Ukaj.

“Problemi nuk është se pengojnë dikë. Mund të ketë raste që pengojnë, por problemi është se edhe ata duan ta nxjerrin bukën e gojës. Ndryshe Komuna le t’iu bëj zgjidhje dhe t’i shesin produktet e tyre”, tha qytetari tjetër, Driton Osmani.

Adonis Tahiri, Drejtorë i Inspektoratit në Komunën e Prishtinës, përmes llogarisë së tij në facebook ka thënë se në sheshe ka kujdestari gjatë gjithë kohës . Ai ka publikuar konfiskimin e disa lodrave që kanë funksionuar pa leje të Komunës./Telegrafi/