Cristian Pavon do të largohet nga Boca Juniors.
Sulmuesi i talentuar argjentinas është duke kaluar nëpër një formë mjaftë të mirë.
22-vjeçari mori pjesë edhe në Kampionatin Botëror duke luajtur disa ndeshje me Argjentinën.
Kjo ka bërë që për të interesim të shfaqin skuadrat e mëdha evropiane.
Lajmet e fundit që vijnë nga Argjentina, raportojnë se Pavon ka kërkuar largimin gjatë janarit nga klubi.
Cristian Pavon duke festuar një gol me fanellën e Boca Juniors (Getty Images)
Manchester City dhe Arsenal janë dy skuadrat më të interesuara për lojtarin.
Gjithsesi interesim për talentin argjentinas kanë shfaqur edhe Inter dhe PSG.
Boca Juniors është e gatshme ta lë të lirë lojtarin, por vetëm nëse paguhet shuma prej 40 milionë eurove.
Në pesë ndeshjet e para në kampionatin argjentinas, Pavon ka shënuar dy gola. /Telegrafi/
