Paul Pogba tregon aftësi të jashtëzakonshme gjatë seancës stërvitore të Juventusit

Paul Pogba duket se është kthyer në maksimumin e tij pasi tregoi një pjesë të aftësive të jashtëzakonshme gjatë një seance stërvitore me Juventusin.

29 -vjeçari u kthye në Torino këtë verë pasi kontrata e tij me Manchester United skadoi në fund të qershorit. Aventura e tij e dytë në Old Trafford ishte një katastrofë pasi marrëdhënia e tij me zyrtarët e United u përkeqësua. Ai do të shpresojë se qëndrimi i tij i dytë në Juventus do t’i sjellë më shumë sukses.

Pogba dukej në formë të mirë pasi u shfaq një video që tregonte aftësinë e jashtëzakonshme të mesfushorit. Ai u pa duke marrë topin përpara se të tregonte gjakftohtësi dhe mashtrim të madh për t’u larguar nga markuesi i tij, më pas ai bëri një goditje të bukur të ekzekutuar me thember prapa.

Që nga publikimi i pamjeve, fansat kanë reaguar në rrjetet sociale.

Një tifoz shkroi: “Oh… Pogba është kthyer”.

Dhe një i dytë shkroi në Twitter: “Është vetëm një pjesë e aftësive”.

Pogba duket i ndezur për të rizbuluar formën e tij më të mirë në sezonin e ri. Ai u prit si një hero kur u kthye në Torino.

Juventus do të jetë në aksion më 23 korrik, kur do të përballet me skuadrën meksikane Guadalajara në stadiumin Allegiant në Las Vegas. Kjo do t’u japë tifozëve të Juventusit shansin e parë të shikojnë Pogban në aksion. /Telegrafi/

Paul Pogba in loop 🍥 pic.twitter.com/q9GdmABiSW

— JuventusFC (@juventusfc) July 18, 2022