Pas Zelenskyt edhe kryeministrja estoneze kërkon të mos lëshohen viza turistike për rusët

Kryeministrja e Estonisë, Kaja Kallas, i ka bërë thirrjeve shteteve evropiane që të ndalen duke lëshuar viza turistike për rusët – në kohën kur ky vend po zhvillon luftë në Ukrainë.

Ajo është e bindur se vizitat në Evropë janë privilegj, jo e drejtë e njeriut. Trafiku ajror për Rusinë është mbyllur, transmeton Telegrafi.

“Të vizitosh Evropën është privilegj, jo e drejtë e njeriut. Trafiku ajror për Rusinë është mbyllur”, shkroi ajo në profilin e saj në Twitter.

Lexo po ashtu Zelensky kërkoi që rusëve t’ju ndalohet udhëtimi nëpër botë, reagon Kremlini

Kryeministrja estoneze ka theksuar se ka ardhur koha që t’i jepet fund vizitave turistike për Rusinë.

E të njëjtat deklarata i ka bërë sot presidenti ukrainas Volodymyr Zelensky, i cili i kërkoi BE-së që t’ua ndalojë rusëve udhëtimet.

Kjo deklaratë e tij nuk i pëlqeu fare Moskës, ku zëdhënësi i Kremlinit, Dmitry Peskov tha se deklaratat e Zelenskyt janë irracionale. /Telegrafi/

Stop issuing tourist visas to Russians. Visiting #Europe is a privilege, not a human right. Air travel from RU is shut down. It means while Schengen countries issue visas, neighbours to Russia carry the burden (FI, EE, LV – sole access points). Time to end tourism from Russia now

— Kaja Kallas (@kajakallas) August 9, 2022