Pas paralajmërimeve se virusi nuk i bën ballë temperaturave të larta, iranianët ia mësyjnë resorteve turistike në det

Iranianët kanë zgjedhur mënyrën më të “mirë” dhe më pak të dhimbshme që të mbrohen nga coronavirusi! Dhjetëra mijëra qytetarë të këtij vendi javët e fundit i kanë “okupuar” serortet turistike në detin Kaspik dhe Persik, pasi ekspertët botërorë kanë këshilluar që temperaturat e larta dhe rrezet ultra-vjollcë vrasin këtë virus!

Pronarët e hoteleve po i gëzohen këtij lajmi, pasi që nuk kanë pritur se do të fitojnë në masë të madhe në këta muaj të vitit, e në veçanti pas shpërthimit të virusit vdekjeprurës që ka ngritur në këmbë tërë botën, transmeton Telegrafi.

Irani pretendon se në këtë vend nuk ka të infektuar, kurse qytetarët e Republikës Islamike besojnë shumë në mjekësinë e tyre, kështu kanë dëgjuar këshillat e mjekëve dhe epidemologëve – se në temperaturat e larta virusi nuk mund të mbijetojë më shumë se disa minuta.

Kujtojmë që eksperti i kalibrit botërore Jonas Nilsen, ka paralajmëruar se coronavirusi nuk mund të mbijetojë deri në verë, që i bie që deri në fund të prillit do të neutralizohet plotësisht.

“Temperaturat e larta nuk janë të përshtatshme për coronavirusit. Gjatë dimrit kur janë temperaturat e ulëta dhe gripat janë më prezent, kjo ndodh për shkak se ftohet membrana e hundës që mundëson hyrjen më të lirë të viruseve në trup”, ka shtuar ai. /Telegrafi/