Këngëtarja njohur shqiptare, Era Istrefi, ka kohë që nuk ka sjell për fansat e saj ndonjë projekt të ri muzikor.
Që nga koha kur ra pandemia, Era ka qëndruar në heshtje sa i përket publikimit të këngëve të reja, megjithatë kjo duket se nuk do të zgjasë edhe për shumë kohë.
Kjo pasi këngëtarja përmes disa fotografive të reja të publikuara së fundmi në rrjetin social Instagram, ka paralajmëruar se shumë shpejt do të rikthehet me materiale të reja muzikore.
Në fotografi, 27-vjeçarja dukej mjaft atraktive duke pozuar me pantallona të zeza të gjersa dhe një bluzë të kuqe provokuese me prerje të shumta te gjoksi.
“Muzikë e re do të vijë së shpejti, mbani sytë tuaj hapur”, shkroi Istrefi në mbishkrimin e këtyre fotografive në Instagram.
Përndryshe, kënga e fundit aktualisht e saj mbetet “No Maybes” në bashkëpunim me Ilkay Sencan dhe Arash, e cila është publikuar në mars të vitit 2020.
Së fundmi, shefja e distrubimit muzikor në Ultra Music ngriti një debat duke deklaruar në Twitter se Era nuk është më pjesë e gjigantit Ultra Music, gjë e cila është demantuar nga menaxheri i saj, duke thënë se Istrefi vazhdon të jetë pjesë e tyre. /Telegrafi/
