Pas koncertit madhështor, Capital T nis përgatitjet për albumin e ri

Reperi i popullarizuar i skenës shqiptare, Capital T, në muajin shtator mbajti një koncert madhështor të quajtur “Time Capsule” në Tiranë, njëherësh ky ishte edhe projekti më i madh i tij në karrierën muzikore shumëvjeçare.

Pas këtij koncerti të përmasave botërore, Trim Ademi është duke punuar në albumin e ri, për të cilin tashmë ka filluar përgatitjet.

Ai njoftimin për fansat e bëri në rrjetet sociale, përkatësisht në Instagram duke publikuar një video të tij, nga e cila mori edhe reagime të shumta.

https://www.instagram.com/p/B4cZUBTBG0C/

“Gjendja: Albumi është rrugës, herët në vitin 2020, hiti mbas viti”, ka shkruar 28-vjeçari krahas videos, që lë të kuptohet se do ketë hite të shumta.

Lexo po ashtu Pas "Time Capsule", Capital T: Kurrë mos hiqni dorë nga ëndrrat

Ndonëse nuk ka zbuluar më shumë detaje, reperi shqiptar siç shihet gjatë kësaj kohe është duke punuar fuqishëm, pavarësisht angazhimeve të tjera.

Nga ana tjetër, i njëjti ka paralajmëruar edhe një tjetër bashkëpunim me reperin Majk, këngë kjo që pritet të prezantohet së shpejti para publikut.

https://www.instagram.com/p/B4aCVUXBgfp/

Artistët numërojnë duete të shumta, teksa edhe kënga e re e tyre besohet se do të mirëpritet nga fansat e dyshes.

Ndryshe, “Sytë e tu” është realizimi i fundit muzikor i Capital T-së, që në platformën YouTube ka kaluar shifrën e nëntë milionë klikimeve. /Telegrafi/