Pas Gundogan, një tjetër lojtar i Barcelonës është afër rikthimit në Ligën Premier

Ish-mbrojtësi i Chelseat, Andreas Christensen, mund të largohet nga Barcelona para përfundimit të afatit kalimtar të verës.

Gjigantët katalanas tashmë kanë larguar Ilkay Gundogan, me mesfushorin që është i vendosur për një rikthim të bujshëm në Manchester City.

Ai zbarkoi në Mançester të mërkurën mbrëma dhe u takua me Pep Guardiolën për darkë përpara transferimit të tij si lojtar i lirë në klubin që u largua verën e kaluar.

Tani, Christensen mund të bëjë të njëjtën gjë pasi qendërmbrojtësi është i hapur për t’u larguar nga Barcelona këtë muaj, siç raportohet nga Mundo Deportivo.

Christensen ishte vetëm në bankinë për ndeshjen hapëse të Barcelonës në La Liga në Valencia fundjavën e kaluar dhe nuk ka gjasa të ketë një rol të spikatur nën Hansi Flick nëse ai qëndron në klub.

Me këtë në mendje, ai mund të tundohet nga një largim, dhe Newcastle kuptohet se po tregon interesim për nënshkrimin e mbrojtësit danez.

Lexo po ashtu Top lojtari njofton Hansi Fllickun se dëshiron të largohet nga Barcelona

Magpies janë të prirur të sjellin një qendërmbrojtës përpara mbylljes së afatit kalimtar javën e ardhshme dhe janë refuzuar katër oferta për kapitenin e Crystal Palace, Marc Guehi.

Ata po monitorojnë gjithashtu situatën e Joe Gomez në Liverpool pasi ai u la jashtë skuadrës së Arne Slot për fitoren 2-0 të Reds në Ipswich të shtunën.

Christensen iu bashkua Barcelonës si transferim i lirë nga Chelsea në vitin 2022, vetëm një vit pasi fitoi Ligën e Kampionëve me Blutë. /Telegrafi/