Parashikimi i Mike Tyson për supermeçin Joshua-Fury

Mike Tyson beson se Anthony Joshua vështirë se do të mund të dhurojë goditjet e tij të rënda kundrejt Tyson Furyt, në supermeçin e shumëpritur për unifikimin e titujve.

Dueli më i madh në histori të boksit britanik pritet të zhvillohet gjatë verës që vjen, ndërsa rimeçi me shumë mundësi do të caktohet për muajin nëntor ose dhjetor.

Dhe ish-kampioni i padiskutueshëm i botës beson se AJ nuk do të arrijë ta rrezikojë Gypsy Kingun e lëvizshëm.

“Ju e dini se unë e dua shumë Joshuan. Por, Tyson është i pakapshëm, ai nuk do të arrijë ta godasë”, ka deklaruar ‘Iron Mike’ për The MacLife.

Legjenda beson se mungesa e shpejtësisë së AJ do të jetë pengesë në përballjen e tij ndaj kampionit të WBC-së.

“Dëgjoni, të jemi të sinqertë, në rregull? Më pëlqen Joshua. Më pëlqen shumë Joshua, në rregull? Ndoshta godet më shumë se… si e ka emrin ai tjetri me ngjyrë? Wilder. Ai nuk godet më shpejt se Wilder”.

“Nëse ai (Joshua) nuk godet më shpejt se Wilder, ai nuk do të arrijë as ta prekë këtë njeri (Furyn). Kështu e shoh unë”.

“Ai (Joshua) godet fort, por nuk godet shpejt. Nëse Tyson Fury arriti të shmangej nga goditjet e shpejta të Wilderit, Joshua mund të jetë në telashe”, ka theksuar Mike Tyson. /Telegrafi/

View this post on Instagram

A post shared by Tyson Fury (@gypsyking101)