Disa pamje të reja duket se tregojnë një zjarr që shpërtheu në veri të Krimesë, pas raportimeve për shpërthime rreth një aeroporti ushtarak gjatë natës.
Pamjet e qarkulluara gjerësisht në mediat sociale nga burime ruse dhe ukrainase herët të mërkurën tregojnë “zjarr dhe shpërthime”, me sirena që dëgjohen në sfond, përcjell Telegrafi.
Një kanal lokal në Telegram raportoi "disa shpërthime të forta", duke filluar pak para orës 4 të mëngjesit me orën lokale, përpara se të shpërthente një zjarr.
Rrugët përreth bazës ajrore janë të bllokuara, raportoi më vonë kanali.
Dzhankoy është një qendër kryesore ushtarake, shtëpia e një prej fushave ajrore më të mëdha të Rusisë në Krime.
Ai është një vend kyç për furnizimin e trupave ruse përmes Ukrainës jugore të kontrolluar nga Moska dhe vijës së parë të luftimeve në kontinent.
Rusia aneksoi Krimenë në vitin 2014. /Telegrafi/
