Pamje që tregojnë shkallën e shkatërrimit brenda anijes britanike, pasi ajo u godit nga Houthi-t

Disa pamje të publikuara thuhet se tregojnë shkallën e shkatërrimit brenda anijes së ngarkesave Rubymar në pronësi të Mbretërisë së Bashkuar, pasi ajo u godit nga Houthi-t jemenas në shkurt.

Sipas mediave të huaja, përcjell Telegrafi, bëhet fjalë për anijen që u mbyt të shtunën e javës së kaluar.

Anija tregtare thuhet se ishte e ngarkuar me 41,000 ton pleh kur u godit nga një raketë në brigjet e Jemenit, duke ngritur shpejt shqetësimet për mjedisin.

Dhe pamjet tregojnë ujin që hynte në “dhomën e motorit”, në kabinat dhe në ambientet e gjumit dhe të punës.

Disa dyer u dëmtuan dhe pjesë të tyre u shpërndanë nëpër dysheme.

Watch: Exclusive footage obtained by Al Arabiya English shows the inside of the #Rubymar ship after it was struck by Iran-backed Houthi missiles in the #RedSea.

More here: https://t.co/j04vkUF1Rp pic.twitter.com/1hZOeIXUqR

— Al Arabiya English (@AlArabiya_Eng) March 9, 2024

Al Arabiya raporton se një nga dy raketat goditi në mes të anijes, ndërsa e dyta ishte drejtuar në skajin e anijes.

Raketa e parë thuhet se mund të kishte shkaktuar dëme më të rënda dhe humbje jetësh nëse do të kishte goditur rezervuarin e karburantit, që ndodhet afër vendit të përplasjes.

Pas sulmit, ekuipazhi hodhi spirancën dhe braktisi anijen, e cila u zhvendos drejt veriut derisa u fundos.

Houthi-t e mbështetur nga Irani, të cilët sundojnë kryeqytetin e Jemenit, Sanaa dhe pjesën më të madhe të bregut të Detit të Kuq të vendit, kanë nisur një sërë sulmesh që nga nëntori kundër anijeve që ata besojnë se po ndihmojnë luftën izraelite në Gaza.

Houthi-t thonë se sulmet janë në solidaritet me popullin palestinez, i cili aktualisht po përballet me bombardime dhe sulme pa dallim nga ushtria izraelite pas sulmit të grupit militant Hamas më 7 tetor. /Telegrafi/