Pamje dramatike që tregojnë se si flakët përfshinë një ndërtesë në Manchester

Një zjarr i madh ka përfshirë një ndërtesë në Manchester, me dhjetëra zjarrfikës që kanë luftuar me flakët.

Sipas mediave britanike, përcjell Telegrafi, tetë makina dhe dy platforma ajrore kanë qenë në vendin e ngjarjes pranë Manchester Fort në Cheetham Hill.

Pamjet që janë shpërndarë në mediat sociale tregojnë një tym të madh dhe flakë që arrijnë lart në qiell.

Zjarri shpërtheu pak para orës 10 në një park industrial në Bradstone Road, jashtë rrugës Broughton dhe Cheetham Hill Road.

Autoritetet kanë konfirmuar se zjarrfikësit u thirrën në orën 9.48 dhe për fat të mirë nuk ka pasur ndonjë të lënduar. /Telegrafi/