Palmeiras me kërkesë të veçantë në drejtim të Real Madridit për yllin e madh Endrick

Real Madridi ka siguruar shërbimet e sulmuesit brazilian Endrick prej kohësh, por ai do t’i bashkohet kryeqytetasve spanjoll vetëm në verën e vitit 2024.

Palmeiras i ka kërkuar Real Madridit nëse mund ta mbajnë Endrick në Brazil deri në dhjetor, raporton Thiago Fernandes i Goal.

Megjithatë, Los Blancos nuk janë të gatshëm ta lënë talentin e mrekullueshëm të qëndrojë në Brazil, por ata do të dalin me një përgjigje zyrtare në prill.

Lexo po ashtu Endrick vazhdon t’i çmend tifozët e Real Madridit, shënon përsëri për Brazilin

Një tjetër media braziliane UOL raporton se shoqëruesit e Endrick e përshkruajnë këtë skenar si ‘të pamundur’, ata duan që i riu të bashkohet me Real Madridin në korrik.

Palmeiras ka vendosur të provojë fatin e tyre pasi zbuloi se Real Madrid do të shtojë Kylian Mbappe në listën e tyre këtë verë.

Lexo po ashtu Endrick mezi pret t'i bashkohet Real Madridit: Do të kemi histori të madhe së bashku

Klubi brazilian në këtë mënyrë po mundohet që ta bindin lojtarin dhe klubin spanjoll që Endrick të qëndrojë në vendlindje deri në dhjeotr, edhe pse një gjë e tillë duket e pamundur.

Sezoni i ri sapo ka nisur në Brazil dhe Endrick tashmë ka shënuar një gol në dy paraqitjet e tij të para për Palmeiras. /Telegrafi/