‘Pagerët’ që shpërthyen në Liban dhe Siri u prodhuan në Hungari

Kompania tajvaneze Gold Apollo tha të mërkurën se autorizoi përdorimin e markës së saj në pagerët që shpërthyen në Liban dhe Siri në një operacion të dukshëm izraelit që synonte rrjetin e komunikimit të Hezbollahut, por se një kompani tjetër me bazë në Budapest i prodhonte ato.

Pagerët e përdorur nga grupi militant Hezbollah shpërthyen pothuajse njëkohësisht të martën në Liban dhe Siri, duke vrarë të paktën nëntë persona, duke përfshirë një vajzë 8-vjeçare dhe duke plagosur rreth 3,000.

Hezbollahu dhe qeveria libaneze fajësojnë Izraelin për atë që duket të jetë një sulm i sofistikuar nga distanca, transmeton Telegrafi.

Një zyrtar amerikan tha se Izraeli informoi Shtetet e Bashkuara të martën pas përfundimit të operacionit, në të cilin u shpërthyen sasi të vogla eksplozivi të sekretuar në pagerë.

Personi foli në kushte anonimiteti sepse nuk ishte i autorizuar të diskutonte publikisht për informacionin.

🚨 Security camera footage shows a pager being detonated in a market.

A Hezbollah official, speaking anonymously to Reuters, stated, “This is the most significant intelligence breach.” https://t.co/6KVC80wvBi pic.twitter.com/pegD3LLbvT

— BigBreakingWire (@BigBreakingWire) September 17, 2024

Pagerët AR-924 u prodhuan nga BAC Consulting KFT, me qendër në kryeqytetin e Hungarisë, sipas një deklarate të lëshuar të mërkurën nga Gold Apollo.

“Sipas marrëveshjes së bashkëpunimit, ne autorizojmë BAC të përdorë markën tonë tregtare për shitjet e produkteve në rajone të caktuara, por dizajni dhe prodhimi i produkteve janë vetëm përgjegjësi e BAC”, thuhet në deklaratë. /Telegrafi/