Tetë persona janë arrestuar në Pejë, pas një kontrolli të Policisë së Kosovës, në disa subjekte afariste ku dyshohej se zhvillonin lojëra fati.
Policia thotë se Njësiti për hetimin e Krimeve Ekonomike dhe Korrupsionit të asistuar nga hetuesit e Krimeve Kibernetike dhe inspektoret komunal, kanë zbatuar urdhër kontrollin të lëshuar nga Gjykata, me ç‘rast janë kontrolluar disa subjekte afariste.
Lidhur me rastet janë arrestuar gjithsejte tetë të dyshuar dhe pas intervistimit, me vendim të prokurorit katër të dyshuar janë dërguar në mbajtje, ndërsa, katër të tjerë janë liruar në procedurë të rregullt.
