Operatori i ri ‘Lycamobile’ pritet ta thyej monopolin në Maqedoni

Së shpejti në tregun celularë të Maqedonisë operatori britanik “Lycamobile” do të tentojë të marrë pjesë të kulaçit në treg, që për momentin e ndajnë dy operatorët: “Telekomi i Maqedonisë” dhe “VIP-ONE”, njofton Koha.mk.

Pas bashkimit të operatorëve celular VIP dhe ONE dhe mbylljes së operatorit të parë virtual në Maqedoni “Albafon”, për momentin në Maqedoni veprojnë vetëm dy operatorë të telefonisë celulare “Telekomi i Maqedonisë”, dhe VIP- ONE. Këto ndryshime në tregun e telefonisë celulare filluan sidomos pas mbylljes së operatorit të parë virtual “Albafon” dhe bashkimit të operatorit numër një në Maqedoni, “Telekomit të Maqedonisë” dhe “T-Mobile” në një kompani, si dhe të operatorit të dytë dhe të tretë ONE dhe VIP, të cilët më pas blenë dhe operatorin kabllor “Blizu”. Këto kompani pasi u brenduan filluan edhe rritjet e çmimit mesatar për minutë të bisedave në telefoninë celulare për mbi 15 për qind dhe të internetit në celular për afërsisht 20 për qind. Pas kësaj, Maqedonia është shteti i vetëm në Evropë me dy operatorë celular në treg dhe sipas Agjencisë për Komunikim Elektronik (AEK), është më se nevojshme hyrja e operatorit të tretë virtual që do të ndikon që qytetarët e Maqedonisë të mos paguajnë shërbimet e shtrenjta që për momentin i ofrojnë dy operatorët ekzistues. “Pas bashkimit ka ardhur deri në zvogëlim të pakove të caktuara nga operatorët celularë dhe zvogëlimi i vëllimit të qarkullimit pa u ndryshuar çmimi. Nga fundi i këtij muaji do të miratohen ofertat referente të dy operatorëve me kushte dhe çmime të definuara dhe në këtë mënyrë, çdo operator virtual që dëshiron të futet në tregun e telekomunikimit në Maqedoni, do të mundet lehtë të nënshkruajë marrëveshje me operatorët ekzistues për shfrytëzim të rrjetit të tyre për ofrim të shërbimeve celulare për parapaguesit e tyre”, thonë nga AEK. Për operatorë virtual interesim ka shprehur kompania britanike “Lycamobile”. Nëse AEK pranon ofertën, atëherë “Lycamobile” do të jetë operatori i tretë celular në Maqedoni. Bëhet fjalë për operator virtual celular që së shpejti do të paraqitet në tregun e telekomunikimeve në Maqedoni. Në ueb faqen zyrtare kjo kompani britanike ka njoftuar se Maqedonia do të jetë vendi i 21-të në të cilin do ta zgjerojë rrjetin e vet ndërkombëtarë. Me çmime të ulëta, do të tentojë të marrë pjesë të kulaçit në treg, që për momentin e ndajnë dy operatorë: “Telekomit të Maqedonisë” dhe “VIP-ONE”. Lycamobil do të jetë operatori i dytë virtual që do të tentojë të futet në tregun e Maqedonisë. Para kësaj kompanie britanike, në tregun celular të Maqedonisë u fut kompania “Albafon”, mirëpo pas një viti veprimi kjo kompani u mbyll. Karakteristikë e kompanisë celulare “Albafone” ishte se për target kryesor kishte konsumatorët shqiptarë që jetojnë në Maqedoni, si biseda telefonike pa roaming me Shqipërinë dhe Kosovën./Telegrafi/