Onana përshëndet bashkëlojtarët e Interit para testeve mjekësore te Man Utd

Andre Onana u ka thënë lamtumirë bashkëlojtarëve të tij të Interit dhe është gati t’i bashkohet Manchester Unitedit pas kryerjes së testeve mjekësore me Djajtë e Kuq.

Nerazzurrët kanë rënë dakord të shesin 27-vjeçarin për një shifër totale prej 55 milionë euro, duke përfshirë bonuset.

Mediumi Sky Sport Italia dhe eksperti i transferimeve Fabrizio Romano raportojnë se kamerunasi u tha lamtumirë shokëve të tij të Interit sot (e martë) në mëngjes përpara se të largohej nga qendra stërvitore Suning.

Romano pretendon se Onana do të udhëtojë në Mbretërinë e Bashkuar sonte për të kaluar testet mjekësore dhe për të nënshkruar kontratën e tij me Djajtë e Kuq midis të mërkurës dhe të enjtes.

Manchester United expect André Onana to travel to UK by tonight — medical and contract signing between Wednesday & Thursday. 🔴🛩️ #MUFC

Plan to be confirmed later. More to follow.

👋🏻 Onana left Inter training ground 30 mins ago after saying goodbye.

— Fabrizio Romano (@FabrizioRomano) July 18, 2023

Ai pritet t’i bashkohet bashkëlojtarëve të rinj në SHBA në fund të kësaj jave në turneun para-sezonal.

Onana iu bashkua Interit në një transferim të lirë nga Ajaxi verën e kaluar dhe mbajti 19 portën e paprekur në 41 paraqitje me gjigantët e Serie A.

Lexo po ashtu Kalimi i Onana te Man Utd lejon Interin të mbyll transferimin e tre objektivave të verës

Ai ishte lojtari me më shumë ndeshje pa pranuar gol në ndeshjet e Ligës së Kampionëve në sezonin 2022/23, duke ndihmuar Nerazzurrët të arrinin në finale.

Interi është në bisedime me Bayern Munich për Yann Sommer, por Bavarezët presin që Nerazzurrët të paguajnë klauzolën e tij prej 6 milionë euro. /Telegrafi/