Oliver Glasner ka hedhur poshtë sugjerimet se është injoruar nga Marc Guehi pas barazimit pa gola të Crystal Palace kundër Chelseat të dielën e kaluar.
Ndërsa të dy ekipet po largoheshin nga fusha pas barazimit në Stamford Bridge, Glasner i thirri Guehit ndërsa ai po shkonte drejt tunelit.
Guehi i hodhi një vështrim të shkurtër Glasnerit, por nuk u ndal dhe vazhdoi të shkonte drejt dhomës së zhveshjes, duke e lënë trajnerin e Palace të dukej i hutuar nga përgjigja e mbrojtësit.
Megjithatë, Glasner ka bërë përpjekje për ta minimizuar rëndësinë e shkëmbimit dhe këmbëngul se Guehi u mërzit vetëm nga barazimi 0-0 i Palace kundër Chelseat.
Kur u pyet për incidentin të mërkurën, Glasner tha: “Kam parë kaq shumë gjëra të pakuptimta të shkruara për këtë”.
"Marc ishte i mërzitur që nuk e fitoi ndeshjen dhe mua më pëlqeu shumë kjo. Është shenja më e mirë që ai mund të tregojë se sa ambiciozë jemi".
Glasner konfirmoi gjithashtu se Guehi dhe Eze do të luajnë si titullar për ndeshjen play-off të Palace në Ligën e Konferencës kundër Fredrikstad të enjten në mbrëmje. /Telegrafi/
