OKB-ja dënon shkeljen e të drejtave të njeriut në Korenë e Veriut

Komisioni për të drejtat e njeriut në Asamblenë e Përgjithshme të Kombeve të Bashkuara dënoi sot Korenë e Veriut për shkeljet e të drejtave të njeriut, duke bërë një paralelizëm mes kequshqyerjes së koreano-veriorëve dhe programeve balistike dhe bërthamore të Phenianit.

Ky dënim shënohet në një rezolutë jodetyruese të miratuar nga komisioni dhe do të kalojë për debat në dhjetor në seancën plenare të Asamblesë së Përgjithshme.

Me propozim të Bashkimit Evropian dhe Japonisë, rezoluta dënon Korenë e Veriut për cenim të burimeve të saj për vijimin e programeve të armëve bërthamore dhe balistike pavarësisht mirëqenies së popullsisë.

Teksti citon një shqetësim mjaft serioz përballë përdorimit nga ana e Phenianit ndaj torturës, ekzekutimeve të menjëhershme, ndalimeve arbitrare dhe rrëmbimit të shtetasve të huaj si jashtë dhe brenda territorit të Koresë së Veriut.

Ambasadori koreano-verior, Ja Song Nam njoftoi se qeveria e tij hedh poshtë në mënyrë kategorike këtë rezolutë, duke vlerësuar si një manovër për të diskredituar regjimin e Phenianit.