Ish-kapiteni i Anglisë, Alan Shearer, beson se Liverpooli ka mundësinë e vërtetë për ta fituar Ligën Premier këtë sezon, veçanërisht nëse kalojnë periudhën e Krishtlindjeve pa shumë dëme. “Problemi për të gjitha skuadrat që e ndjekin Liverpoolin është se unë nuk e shoh liderin e Ligës Premier që ka ndonjë dobësi të vërtetë për momentin”. “Si shumë njerëz, edhe unë pyesja veten se si Slot mund ta zëvendësojë Jurgen Kloppin kur erdhi në verë, por ai ka qenë jashtëzakonisht i mirë deri tani, dhe është e qartë se ekipi i tij do të jetë i vështirë për t’u ndalur”, ka thënë Shearer. “Periudha e Krishtlindjeve, kur ndeshjet vijnë shpejt do të jetë kritike, por me evidencën që kemi nga katër muajt e parë të sezonit, ata kanë thellësinë në skuadër për ta përballuar atë”.
“Liverpooli janë të fortë mbrapa dhe një grup i bashkuar që mbrohet së bashku, por ata ende krijojnë shumë raste dhe janë të fortë edhe nga ndërprerjet gjithashtu”.
“Në çdo aspekt, ata janë ajo që do të donit që ekipi juaj të ishte”, përfundoi ai. Pas triumfit ndaj Manchester Cityt, Liverpooli tani konsiderohet si pretendenti kryesor për titull ani pse ka kaluar më pak se gjysma e sezonit./Telegrafi/
