Nuk këndellet Chelsea – barazon në shtëpi me Aston Villën

Chelsea nuk është këndellur as në javën e 16-të në Ligën Premier, pas humbjes 3-1 që pësoi nga Arsenali në javën e kaluar.

The Blues kanë barazuar 1-1 në Stamford Bridge me Aston Villën, duke e vazhduar kështu formën e tyre aspak të mirë në ligën angleze.

Pas 34 minutash lojë, Chelsea kaloi në epërsi me anë të Olivier Giroudit që shënoi me kokë nga një harkim i Ben Chilwellit.

GIROUUUUUUD! ⚽️

🔵 1-0 ⚪️ [34'] #CHEAVL pic.twitter.com/nj9SLb84lU

— Chelsea FC (@ChelseaFC) December 28, 2020

Në 45 minutat e dytë, Villa ishte më kërkuese dhe arriti t’i barazonte shifrat në 1-1 me golin e Anwar El Ghazit që realizoi në minutën e 50-të.

Frank Lampard kërkonte nga lojtarët e tij që të rikthenin epërsinë me një lojë me ritëm të shtuar, por kjo gjë nuk u mjaftoi.

🎶 AIN'T NOBODY, LIKE EL GHAZI! 🎶

🔵 1-1 ⚪ #CHEAVL pic.twitter.com/5oSOgdtWiJ

— Aston Villa (@AVFCOfficial) December 28, 2020

Aston Villa arriti të mbante këtë rezultat deri në fund, duke fituar një pikë në udhëtim te blutë e Londrës.

Pas javës së 16-të, Chelsea është në vendin e gjashtë me 26 pikë, aq sa ka edhe Aston Villa në të pestin.

Në xhiron e 17-të, londinezët do të takohen me Manchester Cityn, mirëpo mbetet të shihet nëse ndeshja do të luhet, pasi Citizens kanë lojtarët të infektuar me COVID-19. /Telegrafi/