“Nuk jam unë, djemtë e mi janë të rëndësishëm” – basketbollisti autik e do edhe një vit kontratë në NBA për shkak të pensionit

Basketbollisti amerikan, Tony Snell u diagnostikua me autizëm në vitin 2023 në moshën 32-vjeçare dhe ndërkohë u largua nga NBA dhe luan për ekipin e zhvillimit të Boston Celtics.

Tani Snell ka bërë një lutje dramatike se ai ka nevojë urgjente për një kontratë të NBA për hir të djemve të tij Carter, tre vjeç dhe Kenzo, dy vjeç.

Gjegjësisht, të dy janë diagnostikuar me çrregullime të spektrit të autizmit, ndaj Snell thotë se për shkak të tyre dëshiron të kthehet në NBA për t’i mundësuar vetes daljen në pension.

Për të dalë në pension, basketbollistët në Amerikë duhet të kenë luajtur 10 vjet me kontratë profesionale në NBA dhe Snell ishte aty nga viti 2013 deri në 2022, që do të thotë se i mungon një vit.

Një sezon shtesë do ta kualifikonte Snellin për mbrojtjen premium mjekësore të sindikatës, nga e cila varet e gjithë familja e tij, mbi të gjitha djemtë e lartpërmendur Carter dhe Kenzo.

“Sigurisht që dua të kthehem dhe të luaj, por tani kam një qëllim më të madh. Nuk ka të bëjë më me mua, ka të bëjë me djemtë e mi. Është diçka që më duhet absolutisht. Jo për mua, por për gruan dhe fëmijët e mi”, ka thënë fillimisht Snell.

Tony Snell needs to sign with an NBA team by Friday in order to compile a 10th year of service for the players association’s retiree benefits program, per @YahooSports

This plan is crucial for his family, including two sons with autism. “It’s something I truly need,” says… pic.twitter.com/8gmeF6mHsy

— NBACentral (@TheDunkCentral) January 31, 2024

Duke përshkruar gjendjen e djemve të tij, Snell vuri re probleme kur Carter nuk tha asnjë fjalë përveç “Babi” deri në moshën 18 muajshe.

“Carterit do t’i duheshin gjithmonë pesë lodra në duart e tij, zakonisht një top i vogël basketbolli. Nëse do t’ia hiqje njërën, ai do të zemërohej”.

Ai ka kujtuar edhe momentin kur zbuloi se ishte vetë autik, në moshën 32-vjeçare.

“Sinqerisht u lehtësova. Gjithmonë e dija që isha ndryshe nga të gjithë të tjerët. Thjesht shikoj fëmijët e tjerë, thjesht shikoj të gjithë rreth meje. Sa të interesuar ishin për njëri-tjetrin. Nuk gjeja një mënyrë për t’u ‘kapur’ ose lidhur me disa. Sinqerisht, basketbolli ishte arsyeja e vetme që kisha miq”, pranoi Snell.

Gjatë nëntë sezoneve të tij në NBA, Snell ishte vazhdimisht në prapavijë në të gjitha klubet për të cilat luajti, dhe mesatarisht 6.1 pikë, 2.3 kërcime dhe 1.1 asistime për lojë në karrierën e tij. /Telegrafi/