Noizy dhe Xhevdet Jashari shprehen krenarë për Blerim Destanin, i cili do të paraqitet në të njëjtin film me John Travolta e Morgan Freeman

Aktorin shqiptar, Blerim Destani, do ta shohim në filmin hollivudian, “The Poison Rose”, në të cilin luajnë yjet e mëdha, si John Travolta, Brendan Fraser e Morgan Freeman.

Filmi i zhanrit krim-triller është realizuar me regji të Francesco Cinquemani, George Gallo e Luca Giliberto, si dhe me skenar të Francesco Cinquemani, Luca Giliberto e Richard Salvatore, bazuar në romanin e Salvatores me të njëjtin titull.

https://www.youtube.com/watch?v=naxSWndxDEY

Padyshim se këtij suksesi i janë gëzuar familjarët dhe miqtë e Destanit, ndërsa në mesin e tyre ka shumë yje, si reperi Noizy e aktori Xhevdet Jashari.

Lexo po ashtu Të gjitha lajmet nga Blerim Destani

https://www.instagram.com/p/BwttmzDgYRr/

“Vëlla, fjalët nuk mund ta përshkruajnë sa jam krenar që të shoh krahas yjeve më të mëdha në Hollywood. Mezi pres ta shoh këtë film”, ka shkruar Noizy në Instagram duke e publikuar paraqitjen e shkurtër të filmit.

https://www.instagram.com/p/BwsPZqqFGbw/

“Urime dhe veç në Hollywood të pafsha”, ka shkruar Xhevdeti.

Filmi “The Poison Rose” është caktuar të jepet premierë më 24 maj 2019 nga Lionsgate. /Telegrafi/