Njëri nga të plagosurit ndodhet në gjendje të rëndë shëndetësore

Mjeku kujdestar në QKUK Agron Çitaku ka dhënë detaje rreth gjendjes së personave të plagosur, në incidentin me armë zjarri sot në rrugën “Muharrem Fejza” në lagjen “Mati 1”, në Prishtinë.

Ai tha se njëri nga të plagosurit ndodhet në gjendje të rëndë shëndetësore.

Lexo po ashtu Pamje nga momenti i plagosjes me armë zjarri në Prishtinë (+18)

“Sot në QKUK, para orës 16:00 jemi lajmëruar për disa të lënduar me armë zjarri dhe nga ana e ndihmës së shpejtë janë sjellë katër persona, të cilët janë me lëndime të rënda trupore dhe janë në trajtim të mëtutjeshëm. Prej tyre një ka hyrë në sallë, një është në gjendje shumë të rëndë dhe dy të tjerë janë po ashtu në gjendje të rëndë me lëndime në pjesë të ndryshme të trupit”, tha ai.

Lexo po ashtu Të gjitha detajet e përleshjes me armë zjarri në Mati 1, në Prishtinë

Pas ngjarjes së rëndë që ndodhi paditen e sotme në rrugën “Muharrem Fejza”, policia ka arrestuar edhe të dyshuarit e parë.

Lexo po ashtu Plagosja në Prishtinë, arrestohen dy persona

Këtë gjë e konfirmoi kryetari i Prishtinës, Shpend Ahmeti, i cili tha se informatat e sakta rreth kësaj ngjarje do të dihen pas hetimeve.

“Policia është duke mbledh informatat dhe tashmë ka edhe të arrestuar, por të gjitha informatat e sakta do të bëhen të ditura pas hetimeve nga institucionet e rendit”, tha Ahmeti.