Presidenti amerikan Donald Trump u vu në shënjestër të kritikëve së fundmi. E gjitha kjo për shkak të sjelljes së tij të pashkolluar dhe jo të butë ndaj gruas së tij, Melania Trump.
Ai e la Melaninë të hutuar, teksa nuk e mori me vete në çadrën e tij, por e la në shi.
Natyrisht tashmë të mësuar me të tilla gafa si kjo, zonja e parë e ShBA-ve qëndroi sërish e buzëqeshur.
Domethënë, Trump doli nga Shtëpia e Bardhë me një ombrellë të madhe të zezë me të cilën u strehua, duke harruar që me vete ka gruan e tij.
E ndërsa krejt e kundërta ka ndodhur me Dukën dhe Dukeshën e Sussexit, Harru dhe Meghan Markle.
Së fundmi, Harry mbajti një fjalim frymëzues për fermerët, e gjersa moti me shi e bëri më të vështirë qëndrimin e tij.
Mirëpo bashkëshortja e tij, Meghan Markle, bëri një gjest mjaft të këndshëm, duke i ofruar atij çadrën sapo shiu filloi të pikojë.
Fillimisht ishte kryebashkiaku ai i cili i ofroi çadrën e tij princit Harry, teksa ky i fundit me shaka iu përgjigj: " Është në rregull, kam gruan time".
Çifti po shijojnë një pushim të këndshëm në Australi, gjersa u bë e ditur se shumë shpejt ata presin të bëhen prindër. /Telegrafi/
