Një produkt befasues mund t’ju ndihmojë ta pastroni kokën e dushit

Nëse dushi juaj ka nevojë për një pastrim të plotë, mund ta pastroni kokën me ndihmën e një produkti të papritur – tableta antibakteriale për protezat.

Koka e dushit siguron një rrjedhje të barabartë të ujit dhe e bën larjen komode. Megjithatë, mirëmbajtja e parregullt mund të ndikojë në këtë, me depozitat minerale dhe grumbullimin e baktereve që janë problemet më të mëdha.

Nëse jeni duke kërkuar për një mënyrë të lirë dhe të lehtë për ta pastruar siç duhet kokën e dushit, tabletat antibakteriale për protezat mund të ndihmojnë.

Lexo po ashtu Ekspertët zbulojnë se si të pastroni kokën e dushit shpejt dhe thjeshtë

Megjithëse tabletat e protezave janë të destinuara kryesisht për zbardhjen dhe ndriçimin e protezave dhe aparateve të tjera ortodontike, përbërësit e tyre, si persulfati i kaliumit, sulfati i natriumit, bikarbonati i natriumit, karbonati i natriumit, perborati i natriumit dhe trifosfati pentanatriumi, janë të ngjashëm me përbërësit që gjenden në agjentët e pastrimit në amvisëri.

Për të pastruar kokën e dushit pa e hequr, derdhni disa gota ujë të ngrohtë në një kapak të fortë plastik ose në një qese për ruajtjen e ushqimit. Shtoni një deri në dy tableta. Më pas lidheni qesen mbi kokën e dushit derisa të zhytet plotësisht, duke përdorur një lidhëse gome ose fije për ta mbajtur qesen në vend.

Kur të keni mbaruar, lëreni kokën të njomet brenda natës ose të paktën për disa orë për të vrarë në mënyrë efektive çdo bakter, për të liruar depozitat e ngurtësuara të mineraleve dhe për t’i hequr njollat e shëmtuara. Pasi të keni hequr qesen, përdorni një furçë ose sfungjer të pastër për të hequr mbetjet. /Telegrafi/