Një prej ushqimeve më të rrezikshme për zemrën

Një tjetër studim zbulon ushqimin më të rrezikshëm për shëndetin e zemrës.

Një studim global nga shkencëtarët në Universitetin McMaster zbuloi një lidhje midis konsumit të mishit të përpunuar dhe një rreziku më të lartë të sëmundjeve kardiovaskulare, por jo e njëjta gjë për mishin e kuq të papërpunuar dhe pulës.

Siç raportohet në botimin përkatës në American Journal of Clinical Nutrition, informacioni vjen nga dieta dhe rezultatet shëndetësore të 134.297 njerëzve nga 21 vende në pesë kontinente, të cilët studiuesit i ndoqën për të dhëna mbi konsumin e mishit dhe sëmundjet kardiovaskulare.

Lexo po ashtu Sa të dëmshme janë produktet e mishit të thatë për shëndetin tonë?

Pasi i ndoqën pjesëmarrësit për gati një dekadë, studiuesit zbuluan se ngrënia e më shumë se 150 gram mish të përpunuar në javë lidhej me një rrezik 46 për qind më të lartë të sëmundjeve kardiovaskulare dhe një rrezik 51 për qind më të lartë të vdekjes në krahasim me ata që nuk konsumonin mish i përpunuar.

Megjithatë, studiuesit zbuluan se konsumi i moderuar i mishit të papërpunuar kishte një efekt neutral në shëndet – transmeton Top Channel.

“Dëshmitë mbi lidhjen midis marrjes së mishit dhe sëmundjeve kardiovaskulare janë të paqarta, kështu që ne donim të kuptonim më mirë lidhjet midis konsumit të mishit të kuq të papërpunuar, shpendëve dhe mishit të përpunuar me raste të mëdha kardiovaskulare dhe vdekshmërisë”, shpjegon Romaina Iqbal, autorja e parë e studimit.

“Të dhënat e disponueshme sugjerojnë se ngrënia e sasive të moderuara të mishit të papërpunuar si pjesë e një modeli të shëndetshëm diete ndoshta nuk është e dëmshme”, tha Mahshid Dehghan, një studiues në Institutin e Kërkimeve për Shëndetin e Popullsisë të Universitetit McMaster (PHRI).

Lexo po ashtu Rënia e aftësive njohëse lidhet me ushqimin e përpunuar, zbulon studimi më i ri

Studimi Prospective Urban Rural Epidemiology (PURE) i nisur në 2003 është studimi i parë shumëkombësh që ofron informacion mbi lidhjen midis konsumit të mishit të papërpunuar dhe të përpunuar dhe rezultateve shëndetësore te njerëzit nga vendet me të ardhura të ulëta, të mesme dhe të larta.

“Studimi PURE shqyrton me kujdes popullatat dhe modelet dietike më të gjera, duke na mundësuar të ofrojmë prova të reja që ndajnë efektet e mishit të përpunuar dhe të papërpunuar ,” shtojnë shkencëtarët.

Vihet re se shprehitë e të ushqyerit të pjesëmarrësve u regjistruan përmes pyetësorëve të frekuencës së ushqimit, ndërsa u mblodhën të dhëna edhe për vdekshmërinë e tyre dhe ngjarjet e rënda kardiovaskulare. Kjo i lejoi studiuesit të përcaktojnë lidhjet midis modeleve të konsumit të mishit dhe ngjarjeve kardiovaskulare dhe vdekshmërisë.

Autorët besojnë se kërkimet shtesë mund të përmirësojnë njohuritë aktuale të marrëdhënies midis konsumit të mishit dhe rezultateve shëndetësore, pasi ishte e paqartë se çfarë hëngrën pjesëmarrësit me konsum më të ulët mishi në vend të mishit dhe nëse cilësia e këtyre ushqimeve ndryshonte nga vendi në vend.

Lexo po ashtu Si mund ta dalloni nëse mishi që blini është i freskët