Një i plagosur është në rrezik, tre drejt shërimit pas tragjedisë në Mal të Zi

Katër persona janë shtruar në QKKG-në e Malit të Zi, të plagosur në tragjedinë e djeshme në Cetinje, njëri prej të cilëve ndodhet në gjendje të rëndë dhe ndodhet në terapi intensive.

Siç njofton QKKG, një pacient ndodhet jashtë rrezikut për jetën. Dy pacientë në spitalin e Cetinjës janë jashtë rrezikut për jetën.

Siç njofton QKKG, njëri prej pacientëve aktualisht është në gjendje stabile, jashtë rrezikut për jetën dhe ndodhet në Klinikën e Neurokirurgjisë, raporton rtcg.

“Pas pranimit, pacienti i dytë është operuar, ka lëndime në strukturat e trurit dhe strukturat kockore të kokës dhe kraharorit, i rrezikohet jeta dhe ndodhet në reanimacion qendror. Pacienti i tretë ka një dëmtim në pjesën e barkut, kryesisht në mëlçi. Ai është operuar dhe është ende në terapi intensive dhe monitorim, i cili është vendosur edhe në reanimacion.Pacienti i katërt ka lëndime në qafë dhe gjoks, frakturë e hapur e krahut të djathtë, e cila është trajtuar edhe në mënyrë kirurgjikale dhe ende kërkon trajtim në repartin e kujdesit intensiv”, njoftoi QKKG.

Në QKKQ janë katër pacientë, njëri prej tyre, sipas drejtorit mjekësor Ivan Terziq, ndodhet në Klinikën e Neurokirurgjisë dhe është në trajtim të mëtutjeshëm pas operacionit.

Sipas tij, tre pacientë janë në Repartin Qendror të Mjekimit Intensiv dhe pas ndërhyrjes kirurgjikale urgjente, po i nënshtrohen trajtimit të mëtejshëm intensiv.

“Pacienti i parë ka lëndim dominues në kokë dhe është operuar ndërsa është në terapi të mëtejshme intensive. Pacienti i dytë ka lëndim dominues të mëlçisë dhe është operuar dhe është në terapi intensive. Pacienti i tretë ka lëndim në kokë dhe qafë, i hapur thyerja e krahut të djathtë është operuar dhe është në kujdes intensiv të mëtejshëm”, tha Terziq.

Lexo po ashtu Një krim që nuk mbahet në mend në Mal të Zi - si rrodhi ngjarja ku mbetën të vdekur 11 persona

Drejtori i spitalit të Cetinjës, Ivan Ivanoviq, thotë se dy personat që janë shtruar në atë spital, dhe të cilët kanë mbetur të lënduar në tragjedinë e djeshme, janë në gjendje stabile të përgjithshme. Bëhet fjalë, siç shprehet ai, për një burrë dhe një grua. “Ata janë jashtë rrezikut”, tha Ivanoviq për TVCG.

Kujtojmë se 11 persona janë vrarë dje në vendbanimin Medovina në Cetinje, afër Shtëpisë së Qeverisë, mes tyre edhe sulmuesi. Gjashtë persona u plagosën.

Ndryshe, Mali i Zi ka shpallur tri ditë zie kombëtare pas tragjedisë. /Telegrafi/