Një në tre persona pranojnë se lajnë çarçafët e tyre vetëm një herë në vit

Një studim ka zbuluar se një përqindje tronditëse e njerëzve lajnë çarçafët vetëm një herë në vit ose më pak.

Nuk ka asgjë më të mirë se ndjenja kur ktheheni në shtrat pas një dite të gjatë dhe më në fund keni mundësinë të relaksoheni.

Çarçafët e pastër dhe me erë të freskët e çojnë përvojën në nivelin tjetër, por një sondazh zbuloi se jo të gjithë ne jemi të vetëdijshëm për këtë.

Gjegjësisht, ‘Hammonds Furniture’ bëri një sondazh me 2000 britanikë, dhe përgjigjet e tyre ishin mjaft befasuese. 30 për qind e tyre thanë se lajnë çarçafët e shtratit të tyre një herë në vit ose edhe më pak, dhe 38 për qind lajnë palltot e tyre vetëm një herë në vit gjithashtu.

Ekspertët pohojnë se zakone të tilla të këqija mund të çojnë në një rrezik në rritje të infeksioneve, puçrrave dhe aromës së keqe. Një sondazh nga ‘Hammonds Furniture’ zbuloi se një në tre të rritur britanikë pranuan se kishin larë vetëm çarçafët e tyre një herë në vit.

Doktor Aragona Giuseppe, GP dhe Këshilltar Mjekësor në Doctor Reccription, tha: “Nëse nuk lani gjërat nga materiali shpesh mund të jeni në rrezik infeksioni ose thjesht të ndjeheni erë të papastër. Çarçafët dhe jastëkët duhet të lahen sepse nëse janë të papastra kjo mund të nxisë puçrra, njolla dhe probleme të tjera të lëkurës për shkak të baktereve të ndyra në çarçafë që transferohen në lëkurën tuaj”.

Sondazhi tregoi se këto zakone të dobëta të higjienës nuk janë të kufizuara vetëm në shtrat. Mbi një e katërta e pjesëmarrësve në studim thanë se lanin jastëkët dhe batanijet një herë në vit, dhe 18 për qind e tyre lanin xhinset në të njëjtën sasi.

Kur bëhet fjalë për të brendshme, shumica e grave thanë se i lanin mbathjet pas çdo përdorimi, ndërsa një e katërta e burrave pranuan se e bënin atë pas çdo pesë përdorimesh.

Sidoqoftë, pastërtia tani është më e rëndësishme se kurrë, kjo vlen edhe për rrobat, batanijet dhe çarçafët tanë.

Nëse e keni gjetur veten duke larë gjërat më rrallë nga sa rekomandohet, atëherë caktoni kohë çdo javë për të bërë larjen tuaj dhe përpiquni t’i përmbaheni gjithnjë. Bëni përpjekje të vishni rroba të pastra dhe të freskëta çdo ditë (edhe nëse jeni duke punuar nga shtëpia) dhe thjesht mbani mend se si ndjehen çarçafët e mrekullueshëm të freskët kur ktheheni në shtrat”. /Telegrafi/