Një kolonë me tanke izraelite i është afruar kufirit të Rripit të Gazës, a pritet hyrja e forcave tokësore në rajon?

Ushtria izraelite si duket po lëviz me pajisje ushtarake drejt kufirit të Rripit të Gazës, sipas pamjeve të publikuara në internet.

Videoja tregon një kolonë tankesh izraelite Merkava që lëvizin drejt Rripit të Gazës. Më herët, zëdhënësi i ushtrisë izraelite Daniel Hagari raportoi se 31 batalione janë tashmë në kufi, transmeton Telegrafi.

Kryeministri izraelit, Benjamin Netanyahu u ka bërë thirrje banorëve të Gazës të largohen nga aty.

‼️ “Leave Gaza right now” Netanyahu called on Gaza residents to leave the Strip. Israel is moving equipment to the border.

Israeli Prime Minister Benjamin Netanyahu pledged in an address that the country’s authorities will destroy all places where armed supporters of the Hamas… pic.twitter.com/6ENhGWR0KN

— NEXTA (@nexta_tv) October 7, 2023

Netanyahu u zotua se autoritetet e vendit do të shkatërrojnë të gjitha vendet ku mund të fshihen mbështetësit e armatosur të grupit terrorist Hamas.

Ndërkaq, ministri izraelit i Mbrojtjes, Yoaev Gallant ka thënë se ripushtimi i Gazës është i pashmangshëm.

“Ajo që ka qenë, nuk është ajo që do të bëhet. Ne do të ndryshojmë fytyrën e realitetit në Gaza”.

“Duket si një ofensivë tokësore në Gaza dhe ri-pushtimi i zonës është i pashmangshëm”. /Telegrafi/