Një infermier në Holandë u ka thënë të tjerëve se kishte vrarë 20 pacientë me coronavirus

Një infermier dyshohet se ka vrarë disa pacientë në spitalin Wilhelmina në Assen, pasi pranoi se kishte vrarë të paktën 20 pacientë me coronavirus sepse ishte i shqetësuar për vuajtjet e tyre.

Sipas mediave të huaja, përcjell Telegrafi, Theodoor V. dyshohet se e bëri komentin në biseda të ndryshme me ofruesit e tjerë të kujdesit, njëri prej të cilëve paralajmëroi autoritetet e spitalit që shkaktuan hetimin.

Sipas transmetuesit NOS, burri i bëri komentet stafit ndërsa po trajtohej në një klinikë rajonale të shëndetit mendor në Drenthe të Holandës, dhe ishte institucioni që kontaktoi autoritetet.

Klinika i konsideroi deklaratat e V si aq serioze saqë meritonte thyerjen e rregullave të konfidencialitetit.

Pas kësaj, ai u arrestua tre javë më parë në shtëpinë e tij në Veenhuizen dhe të enjten iu zgjat paraburgimi për një muaj tjetër.

Hetimi për vdekjet e raportuara është ende në vazhdim dhe thuhet se përfshin kontrollimin e orëve të punës së burrit, për të parë nëse kjo përputhet me vdekjet e pacientëve.

Ende është e paqartë nëse është identifikuar ndonjë pacient i vërtetë.

Hetimi mbulon periudhën mars 2020 deri në maj 2022. /Telegrafi/