Një burrë ka vjedhur një dordolec nga jashtë një lokali në Longton, Stoke-on-Trent, Angli, ndërsa momenti u filmua nga kamerat e sigurisë.

Pamjet tregojnë se ai e vëren dordolecin prej bore, afrohet me shpejtësi dhe e merr duke u larguar me vrap.


Stafi i lokalit “The Potter” e publikoi videon në rrjetet sociale me humor, duke i bërë thirrje hajdutit ta kthejë “Sammy the Snowman”.

Postimi u shoqërua me reagime dhe shaka të shumta nga ndjekësit.

Ngjarja ndodhi në kohën kur stuhia Goretti solli reshje të dendura bore në rajon. /Telegrafi/