Në Sheshin e Shatërvanit në Prizren, pas përfundimit të punimeve në infrastrukturën nëntokësore, ka nisur shtrimi i kalldrëmit. Sipas zyrtarëve të lartë komunalë për vendosjen e duhur të kubëzave janë angazhuar edhe mjeshtër nga Tirana, ndërkohë që atyre do t’ju bashkohen edhe mjeshtrit nga Italia.
Drejtori i Shërbimeve Publike në Komunën e Prizrenit, Çelë Lamaj duke konfirmuar nisjen e shtrimit të kubëzave, ka theksuar se punët do të zhvillohen me orë shtesë, në mënyrë që kalldrëmi të shtrihet sa më shpejtë dhe të vihet në shërbim të komunitetit dhe vizitorëve.
“Këtu është përfunduar një infrastrukturë nëntokësore, ujësjellës, kanalizim, po futen kabllot elektrike dhe të internetit, është bërë një punë voluminoze. Tani ka filluar vendosja e kalldrëmit në sheshin e Shatërvanit, madje do të punohet edhe në orët e vona, duke dashur që sa më shpejtë të përfundojnë këto punime që qytetarëve të Prizrenit, turizmit, e në veçanti bizneseve të cilët veprojnë në këtë zonë t’ua lehtësojmë veprimtarinë”, ka thënë Lamaj.
Sipas tij, ekipet profesioniste janë në terren dhe do të kenë edhe përforcime në mënyrë që projekti të kryhet edhe para afatit të caktuar.
“Kemi ekipe të profesionalizuara për vendosjen e kalldrëmit. Në mesin e mjeshtërve ka që kanë ardhur nga Tirana, të cilët kanë bërë përvojë edhe në Itali. Pritet që shpejtë të na vijnë edhe disa mjeshtër italianë të vendosjes së kalldrëmit, kështu që sheshi i Shatërvanit do të përfundoj këtë vit. Pjesa qendrore ndoshta do të përfundoj para afatit, ndoshta diku kah shtatori ose tetori”, është shprehur Lamaj.
Komuna e Prizrenit të premten ka njoftuar se në këtë zonë të mbrojtur janë rregulluar kanalizimi atmosferik dhe i ujërave të zeza (500 metra), sistemi i ujësjellësit (500 metra) dhe vendosja e gypave nëntokë të kabllove elektrike dhe internetit, dhe njëherësh e ka cilësuar si projekt prej më të rëndësishmëve që pritet të sjell një ndryshim të ndjeshëm jo vetëm në strukturën e kësaj pjese të qytetit, por edhe në pamjen dhe identitetin kulturor të Prizrenit.
Një mini-anketë e kryer kohë më parë nga OJQ “EC Ma Ndryshe” me përfaqësuesit e 33 bizneseve në zonën historike pat vënë në pah pakënaqësitë e komunitetit me dinamikën e deritanishme të punimeve në këtë shesh, duke shtuar se përballen edhe me efekte negative në veprimtarinë e tyre. Rekomandimi kryesor i bizneseve për autoritetet e pushtetit lokal ka qenë që punimet në këtë zonë të kryhen para sezonit veror, të ketë koordinim më të madh mes punëkryesve, sikurse edhe mbikëqyrje më të madhe nga organet komunale.
Ndërkohë nisma e grupit të kuvendarëve të Lëvizjes Vetëvendosje në Prizren e paraqitur në mbledhjen e fundit të Kuvendit të Komunës për përkrahjen e bizneseve për shkak të punimeve në infrastrukturë në Qendrën Historike ishte shtyrë për shqyrtim në seancat e radhës. /Telegrafi/
Lufta Prigozhin - Putin
Më shumëNga Rubrika
“Nuk mbaj mend për një stuhi të tillë si kjo e fundit”, bujqit e fshatrave të Zhupës kërkojnë kompensimin e dëmeve të shkaktuara nga breshëri
Zjarrfikësit e Prizrenit intervenojnë në 11 raste, DES-i fton qytetarët t’i raportojnë dëmet
Rrënohet ndërtesa e ish-Kooperativës në Mamushë, synohet ndërtimi i aneksit të shkollës
Kishte ra në rrjetën e tyre dhe mendonin se kanë kapur peshk për darkë, doli të jetë peshkaqen gjigant – burri nga Australia e riktheu në oqean
Arsyeja pse Danimarka përfundoi mbi Slloveninë përkundër pikëve dhe golaverazhit të njëjtë
Derisa Serbia viktimizohet në UEFA, huliganët e tyre përleshen masivisht me policinë gjermane
U tha se ka kryer marrëdhënie me Ilnisën brenda Big Brother, flet Meriton Mjekiqi
Arrihet marrëveshja: Chelsea transferon sensacionin e Barcelonës
Lajm i mirë për mërgimtarët nga Zvicra dhe Gjermania që planifikojnë të vijnë në Kosovë
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Derisa Serbia viktimizohet në UEFA, huliganët e tyre përleshen masivisht me policinë gjermane
Arsyeja pse Danimarka përfundoi mbi Slloveninë përkundër pikëve dhe golaverazhit të njëjtë
Arrihet marrëveshja: Chelsea transferon sensacionin e Barcelonës
Ishte cilësuar si armë sekrete, droni nënujor i ushtrisë amerikane shfaqet ‘befasisht’ në imazhet e Google Earth
Përvojë e pazakontë, 28-vjeçari nga Çikago iu nënshtrua transplantit të veshkës – gjatë tërë ndërhyrjes kirurgjikale qëndroi i zgjuar
Lajm i mirë për mërgimtarët nga Zvicra dhe Gjermania që planifikojnë të vijnë në Kosovë