Liderët e vendeve arabe kanë nisur sot punimet në kuadër të Samitit vjetor i cili këtë vit mbahet në qytetin saudit Dhahran.
Në mbledhjen e sivjeme, e cila po mbahet vetëm një ditë pas sulmeve të SHBA-ve, Francës dhe Britanisë mbi Sirinë, marrin pjesë gjashtëmbëdhjetë liderë arabë, të cilët në fokus të bisedimeve do të kenë konfliktin sirian, çështjen e Palestinës, dhe ndërhyrjen e supozuar iraniane.
Të shtunën, ombrella e këtij samiti, Liga Arabe, tha se samiti nuk do të diskutojë mbi krizën e Gjirit, e cila u shkaktua nga ndërprerja e marrëdhënieve diplomatike mes katër shteteve arabe dhe Katarit, me akuza në adresë të Dohas se mbështet terrorizmin, shkruan AA.
Samiti i së dielës, vjen tre muaj pas njohjes amerikane të Jerusalem për kryeqytet të Izraelit, një veprim që ngjalli zemërimin e botës arabe, por edhe kundërshtimin e pjesës tjetër të botës. /Telegrafi/