Nikolovski: Këtë që e bën Katica Janeva është një cirk

Në një konferencë për mediat, deputeti i OBRM-PDUKM, Aleksandar Nikolovski e ka akuzuar Prokurorinë speciale publike për fillim të fushatës parazgjedhore të LSDM, duke thënë se atë që është duke e bërë Katica Janeva është një cirk i thjeshtë politik dhe nuk ka as D-në nga drejtësia, transmeton Telegrafi Maqedoni.

“Është çështje kohe kur Zaevi do ta aktivizojë atunë e tij kryesore për zgjedhje dhe kur do ta shtyp sustën e zgjimit të ëndrrës disa mujore të Katica Janeva dhe bashkëpunëtorëve të saj. Katica Janeva është duke i thyer të gjitha normat ligjore, me porosi po konstruktohen raste jo ekzistuese dhe po bëhet një teatër me të vetmin qëllim, diskualifikimin, diskreditimin dhe nxirjen e anëtarëve të OBRM-PDUKM”, ka thënë Nikolosvki.

Ai po ashtu ka akuzuar se prokurorja speciale e ka iniciuar teatrin e porositur me atë që para disa ditëve ka dërguar një komunikatë deri te mediat duke i informuar se në periudhën në vijim do të rritet frekuenca e personave në PSP.

“Thirrja e këtillë e Katica Janeva është një sinjal i hapur deri te mediat nën kontrollin e LSDM /Soros që të nisin me linçimin dhe diskualifikimet personale pa asnjë bazë./Telegrafi/