Ngjyra e flokëve që vazhdon të dominojë këtë vit: Këshilla të ekspertëve për ruajtjen e nuancës së dëshiruar

Truku është në balsam

Këshilla që mund t’ju ndihmojnë të ruani nuancën e dëshiruar.

Në botën e bukurisë, ngjyra e kuqe e flokëve do të vazhdojë të dominojë në vitin 2024 si një nga më modernet.

Nëse jeni një nga dashamiret e këtyre toneve, ju e dini se sa e vështirë është të ruani nuancën e dëshiruar dhe sa shpesh detyroheni të ngjyrosni flokët tuaj.

Pasoja më e rëndë e lyerjes së shpeshtë, si dhe trajtimeve të tjera të flokëve që mund të jenë agresive, janë flokët e thatë dhe të dredhur dhe ekspertët rekomandojnë një “balsam trajtimi të thellë” për të riparuar një gjendje të tillë.

Një trajtim i tillë është i përshtatshëm për të gjitha ato që ngjyrosin flokët, si dhe ata që duan të kenë flokë më të gjatë.

– Kontrolloni përbërësit përpara se të zgjidhni një balsam dhe blini një që përmban aminoacide dhe antioksidantë – shpjegon Shvonne Perkins, transmeton Telegrafi.

– Gjithashtu, jepini përparësi balsamit që ka një vlerë të ulët pH. Preparate të tilla mbyllin kutikulat në flokë dhe kështu e mbajnë ngjyrën në flokë. Një balsam të tillë duhet ta përdorni të paktën një herë në javë dhe për rezultate më të mira ju këshilloj ta aplikoni dy herë në javë.

Ajo rekomandon gjithashtu larjen e flokëve me shampo pa sulfate dhe ujë të vakët dhe jo të nxehtë.

– Kutikulat mbeten të mbrojtura kur flokët nuk janë të nxehtë – kujton Sivon. Ajo gjithashtu thekson se është më mirë të përdorni një turban me mikrofibër sesa peshqirë të ashpër për të tharë flokët.

/Telegrafi/