Neymar do të jetë i gatshëm për Kampionatin Botëror, ai kthehet pas një muaji

Brazili pritet ta ketë në dispozicion yllin kryesor, Neymar, për ndeshjet e Kampionatit të sivjetmë Botëror, pasi sulmuesi ka konfirmuar se do të jetë i gatshëm për lojë pas një muaji.

Futbollisti i Paris Saint-Germainit nuk është duke luajtur që nga muaji shkurt kur pësoi një frakturë në ashtin metatarsal të këmbës së djathtë gjatë ndeshjes ndaj Marseille.

Më pas, ai u detyrua t’i nënshtrohej ndërhyrjes kirurgjike, e cila kërkonte një periudhë të gjatë kohore për rikuperim.

Lexo po ashtu Të gjitha lajmet për Neymar

PSG ka bërë të ditur se riaftësimi i lojtarit po shkon mirë, derisa trajneri Unai Emery shpreson që ai të kthehet para se të përfundojë sezoni.

https://www.instagram.com/p/BgUBS9UjwEL

“Ka mbetur edhe një muaj”, ka thënë Neymar për TV Globo, kur është pyetur për kohën e rikthimit të tij.

“Po përparoj mirë. Gjithçka është sa më mirë që është e mundur”, ka shtuar sulmuesi brazilian.

26-vjeçari ka shkëlqyer në sezonin e tij të parë te PSG, mirëpo është spekuluar se planifikon të kthehet në La Liga, pasi Real Madridi kërkon me ngulm shërbimet e tij.

Brazili do ta zhvillojë ndeshjen e parë të Kampionatit Botëror në Rusi më 17 qershor kundër Zvicrës. /Telegrafi/