Në Zelandë të Re nuk ka mjaftueshëm punëtorë, kërkohen të huaj për vjeljen e kivit – një orë punë paguhet 17 dollarë!

Punëtorët e huaj po thirren për të zgjedhur dhe paketuar fruta kombëtare të Zelandës së Re, pasi një mungesë akute e punëtorëve ka detyruar qeverinë të lehtësojë kushtet në vizat e festave në një ofertë të fundit për të vjelur miliona fruta kivi.

Prodhuesit e frutave të kivit në “Bay of Plenty” u gjenden në kulmin e sezonit të korrjeve dhe nuk ishin në gjendje të mbushnin qindra vende të lira, duke bërë që qeveria të shpallë një mungesë zyrtare të punës sezonale në rajon, për herë të parë në një dekadë.

Kjo, siç shkruajnë mediat e huaja, përcjell Telegrafi, do t’i lejonte vizitorët e të “plotësonin” më lehtë kushtet e vizave të tyre në mënyrë që të punonin në pemishte dhe në paketime.

“Gjëja e fundit që duam janë frutat e kalbura në pemë ose në tokë”, ka thënë kryeministrja Jacinda Ardern.

Puna e mbledhjes së frutave kivi është fizikisht kërkuese dhe ofron pagën minimale (rreth 17 dollarë të Zelandës së re në orë) dhe kërkon që punëtorët të zhvendosen përkohësisht, kushte që nuk vlerësohen shumë të favorshme për banorët lokalë.

“Ne po bëjmë diskutime të vazhdueshme me udhëheqësit në sektor se si ta bëjmë industrinë më tërheqëse për punëtorët, duke përmirësuar praktikat e punësimit”, tha komisioneri rajonal Mike Bryant.

Sipas mediave, kërkesa për fruta kivi është rritur në mbarë botën – veçanërisht nga Kina – me 19% më shumë të frutave të prodhuara këtë vit.

Po sipas mediave, ka 6,000 njerëz të papunë në rajonin e “Bay of Plenty”, dhe 1.200 punëtorë nevojiten menjëherë në pemët frutore të kivi.

Dhe ky numër, sipas parashikimeve pritet të rritet në vitet në vazhdim. /Telegrafi/